Dat Piblikasyon: 7 Oktòb 2024
Pandan sitiyasyon ijans yo, Depatman Sekirite Enteryè (Department of Homeland Security, DHS) ap travay ak patnè federal, eta, lokal, ak non-gouvènmantal li yo pou reponn ak bezwen popilasyon an nan zòn ki ka afekte yo.
Nan sikonstans sa yo, Imigrasyon ak Ladwàn (Immigration and Customs Enforcement, ICE) Etazini ansanm ak Pwoteksyon Ladwàn ak Fwontyè (Customs and Border Protection, CBP) Etazini fè tout piblik la sonje, depi se sit k ap founi entèvansyon ijans, yo konsidere yo kòm zòn pwoteje. Nan mezi sa posib, ICE ak CBP p ap egzèse aktivite aplikasyon lwa sou imigrasyon nan zòn pwoteje yo tankou wout evakyasyon, sit yo itilize pou ebèjeman oswa pou distribisyon materyèl ijans, manje oswa dlo, oswa tou sit enskripsyon pou asistans ki gen rapò ak katastwòf la oswa pou reyinifikasyon fanmi ak pwòch yo.
Sou demann FEMA oswa lokal ak otorite eta yo, ICE ak CBP kapab ede nan rechèch ak sovtaj, nan kowòdinasyon pou ede redui risk dega gras ak mwayen transpò ayeryen ak misyon sekirite piblik. ICE ak CBP bay asistans ijans ak tout moun san gade sou estati imigrasyon yo. Ofisyèl DHS yo p ap epi pa pral gen pou fè tèt yo pase pou moun ki ap bay enfòmasyon ki gen pou wè ak ijans nan kad aktivite pou ranfòsman lalwa yo.
DHS angaje l pou asire tout moun k ap chèche abri, èd, oswa asistans lakoz yon katastwòf natirèl oswa yon sitiyasyon ijans kapab fè sa, san gade sou estati imigrasyon yo.
DHS ranpli misyon li san diskriminasyon sou baz ras, relijyon, jan, oryantasyon seksyèl oswa idantite jan, orijin etnik, andikap oswa afilyasyon politik, epi li fè sa nan respè lwa ak politik ki ankou yo.
Pou plis enfòmasyon sou kijan pou depoze yon plent nan Biwo DHS pou Dwa Sivil ak Libète Sivil konsènan koze sa yo, tanpri, vizite paj Depoze yon Plent pou Vyolasyon Dwa Sivil nou an.